DSCN2183

БІЗДЕРДЕ МЫНАДАЙ БАР, МЫНАДАЙ БАР…

№7 гимназия-мектебі қабырғасындағы музей құнды дүниелерге бай. Олай болуының жөні де бар. Қаламызда тарихи-өлкетану музейі ашылмай тұрғанда, бүкіл құнды дүниелерді мұғалімдер қауымы жинақтап, мектеп музейлеріне қойған болатын. Нақты атай кетсек, Ұлы Отан соғысының ардагері, Екібастұз білім саласына еңбегі сіңген ұстаз Федор Ткачтың арқасында елеусіз болып келген қаншама құнды жәдігер халық арасынан жиналып алынған еді. Екібастұз тарихи-өлкетану музейінің қызметкері Елена Григорьевнаның айтуынша, сол жәдігерлердің бір бөлігі №5 мектепке, тағы бір бөлігі №6 мен №7 мектепке қойылған екен.  Ал қалалық музей ашылғанда №7-мектептегі жәдігерлердің бірталайы өлкетану музейіне тапсырылады.

Толығырақ

Музыка мамандары

Таяуда қаладағы музыка мектебінде халықаралық симпозиум болып өтті. Оған Павлодар облысы, Астана, Ресей, сондай-ақ, Тәжікстан мен Қырғызстаннан музыка саласының мамандары қатысты. Жиын барысында әлемдік деңгейде қолданысқа енгізілген оқу әдістемелері мен менеджменті, жаңа технологиялар егжей-тегжейлі сөз болды.

Толығырақ

Көпшілік Көпей сопыны біле ме екен?

Биылғы жылы Мәшһүр — Жүсіп Көпейұлының туғанына 155 жыл толғанынан хабардармыз. Осы датаға байланысты жан-жақты шаралар дайындалып жатқанын да айттық. Солай десек те, Мәшһүр шығармашылығы, оның азаматтық келбеті, бар бітім-болмысы әлі түгелдей танылып болған жоқ. Бұған себеп, мәшһүртанудың тым кешірек қолға алынуында. Оған кезінде толып жатқан саяси-қоғамдық жағдайлар себеп болғанын білеміз. Ол өз алдына бір бөлек әңгіме. Біздің айтпағымыз, Мәшһүр-Жүсіптің әкесі Көпей сопы Сермұхаммедұлы жайында. Жалпы Көпей сопы деген кім? Оның өмірге деген көзқарасы, таным-түсінігі қандай болған? Нені мұрат тұтқан? Мәшһүрдің тұлға болып қалыптасуына оның ықпалы қандай болды? Міне, Көпей сопыны аузыға алғанда, осы секілді сан сұрақтар ойымызға оралады.

Толығырақ

ЕКІБАСТҰЗ — АҢЫЗ ҚАЛА

Мереке қарсаңында қалалық өлкетану мұражайы ауласында №26 мектептің 5-сынып оқушыларының қатысуымен «Екібастұз – аңыз қала» атты асфальтқа сурет салу сайысы өткізілді. Оқушылар қаланың көрнекті жерлері мен әсем көрінісін сипаттап, көмір мен энергетика орталығы екенін дәріптеуді де ұмытпапты. Сайыс барысында музей қызметкері Гүлзайра Қатпенова балаларға туған өлке туралы әдемі әңгімелер айтса, қазылар Темірхан Жайылханұлы (зейнеткер ұстаз)…

Толығырақ

ҚАЛА МАҚТАНЫШЫ

Дүйсенбі күні қалалық «Өнер» ҚМО-да баспасөз конференциясы өткізіліп, қаламыздағы үлгілі хореографиялық топтардың жарты жылдағы жетістіктері жария етілді. Мәдениет орталығында күрделі жөндеу қолға алынып, дайындық жұмыстарына бірқатар қолайсыздықтар тудырғанымен, шығармашылық топтар ізденуді тоқтатпай, әр түрлі сайыстарда қала намысын қорғап, жүлдері орындарды иеленіп жүр.

Толығырақ

ТУҒАН БАЛАҢ ЖАТ БОЛМАСЫН ДЕСЕҢІЗ…

Қазақ халқы әлімсақтан мұсылмандық жолына түсіп, Имам Ағзам аталып кеткен Әбу Ханифа мәсһабын ұстанып, Алла Тағалаға құлшылық еткен еді. Рас, кеңес өкіметі билігі кезінде атеистік көзқарас үстемдік құрып, діндарлар қудаланып, ел ішінде мұсылмандық әлсіреді. Дегенмен Тәуелсіздікке қол жеткен соң діни наным бостандығы беріліп, кәрі де, жас та имандылыққа бет бұрды. Өкінішке қарай, діни сауаттылықтың кем болуынан, әсіресе жастар арасында дәстүрлі дінімізден ауытқып, пиғылы теріс ағымдардың жетегінде кетушілер көбейді. Жасыратыны жоқ, мұның өзі еліміздің біртұтастығына, тәуелсіздігіміздің баянды болуына қауіп туғызуда. Сол себепті де қазіргі таңда діни экстремизммен күресу қажеттігі өткір тұр.

Толығырақ

Ақын шығармашылығымен танысты

Биыл ғұлама ақын, оқымысты Мәшһүр Жүсіптің 155 жылдығы аталып өтуде. Мәшһүр Жүсіптің көп қырлы талант екені елге мәлім. Қаршадайынан оқыған, көңіліне мол дүние тоқыған білімдар. Ақынның 1907 жылы үш бірдей кітабы – “Көп жасағаннан көрген бір тамашамыз”, “Хал-ахуал”, “Сарыарқаның кімдікі екендігі” атты жыр жинағы жарық көрсе, “Миғраж”, “Хаят-бақшы”, “Қорқыт”, “Гүлшат-Шеризат” деп аталатын қисса-дастандары, публицистикалық этнографиялық еңбектері, халық ауыз әдебиеті үлгілерін жинаудағы қыруар жұмысы бір төбе.

Толығырақ

ЕСКІ ЕКІБАСТҰЗ ТАРИХЫНА ҚАНЫҚТЫ

«НұрОтан» ХДП-сы «Киелі мұрамызға тағзым» республикалық акциясын өткізуді дәстүрге айналдырған. Акция мақсаты — жастарды туған өлкенің тарихымен таныстыру. Таяуда №9 мектеп оқушылары ескі Екібастұз аумағына сапар шекті. «Нұр Отан» ХДП Екібастұз филиалының бас кеңесшісі Айнамкөз Рақымжанова мен тарих пәнінің мұғалімі Иван Тимофеевич Трухин бастаған саяхатшы топ «Ангренсор» ЖШС-і аумағында жатқан Екібастұз көліне бет алды. Мұнда кәсіпорынның бас инженері Сергей Викторович Адаменко бізге жөн сілтеп, ескі Екібастұздың орнына дейін жеткізді.

Толығырақ

«Бір үйдің баласындаймыз»,-дейді «Жігіттер» квартеті

Қазақ эстрадасында өзіндік орны бар «Жігіттер» квартеті биыл он жылдық мерейтойын  атап өтуде. Осы орайда еліміздің қалаларына гастрольдік сапармен шыққан аталмыш топ таяуда Екібастұзға келіп кетті. Елге танымал адамдардың өмірдерегі, шығармашылығы оқырманды қызықтыратыны белгілі. Ендеше төменде топ құрамындағы Айдар Байжанов, Ердос Қанаев, Бағлан Әбдірайымов, Мырзахан Маханов және топ продюсері Ерғали Әбдірайымовпен арада болған сұхбатты ұсынамыз.

Толығырақ

«Түнгі мұражайды» тамашалады

Қалалық тарихи-өлкетану мұражайында 17 мамырда Халықаралық музей күніне орай «Музей түні» шарасы ұйымдастырылды. «Нұр Отан» ХДП-ның «Киелі мұрамызға тағзым» акциясы аясында ұйымдастырылған шараны мұражай қызметкерлері үлкен мерекеге айналдырды. Оларға «Қайнар» ББК түрлі костюмдермен, «Атамұра» ұлттық мәдени орталығы музыкалық көркемдеумен көмектессе, «Өнер» ҚМО, Мұсылман әйелдер лигасы, Глинка атындағы музыка мектебі мен қаланың басқа мектептері де мерекеге өз үлестерін қосты.

Толығырақ