Тепловоздан секіріп, опат болды

«Шығыс» кенішінде оқыс оқиға салдарынан тепловоз машинисі опат болды. Тепловозды тоқтата салысымен секіріп түспекші болған 51 жастағы машинист басқыштан жерге құлап түскен. Басынан алған жарақаттан ол сол жерде тіл тартпай кетті. Еңбек инспекциясының мәліметінше, арнайы комиссия құрылып, мәселенің мән-жайын анықтауда.

Кенже ҚУАТ

КІТАПХАНАШЫЛАР – ҚҰРМЕТКЕ ЛАЙЫҚ ЖАНДАР

Адамзат баласының рухани серігі, қазына байлығы – кітап. Адамға рухани байлық сыйлап, ғылым мен білімнің терең сырынан сусындатар мәдени орын – кітапхана болса, барша оқырманды кітаппен қамтамасыз етіп отырған кітапханашылар еңбегі ұшан-теңіз.

1999 жылы Халықаралық балалар кітапханасы ассоциациясы 15 қазанды Халықаралық мектеп кітапханашылары күні деп бекітті.

Толығырақ
DSC_0046

Құтқарушылар-көмекке әзір

Қазанның 10-ы күні Төтенше жағдайлар басқармасы өрт сөндіру және апатты-құтқару жұмыстары қызметі мекемесімен бірлесе еңбек ардагерлеріне құрмет көрсетті. Сондай-ақ, бұл шара құтқару қызметінің 19 қазанда атап өтілетін төл мерекесіне орайластырылды.

Толығырақ
DSCF5229

Жетім балаларға ас берді

«Бір жетімнің маңдайынан сипасаң, жеті жұмақтың есігі ашылар» деген бар. Құрбан айтының екінші күні қаладағы «Әзірбайжан» этномәдени бірлестігінің төрағасы Мерали Бунятов «Үміт» балалар үйіндегі 62 балаға қайырымдылық асын берді. Бұған дейін жыл сайын осы мәдени бірлестік қаладағы бейімдеу орталығына көмек қолын созған көрінеді. Осы жолы ата-ана қамқорлығынсыз қалған қамкөңіл балаларға «Достық үйінде» дастархан жаюды жөн…

Толығырақ
IMG_8423_1944x1296

Алпыс үй алғыс айтты

Қазір бұрынғыдай емес, елімізде қуатты кәсіпорындар, дәулетті адамдар көбейді. Маң-дай тер, табан ақысымен тапқан дүниесін тек қара басына ғана жаратпай, жоқ-жітікпен бөлісу дәстүрі де қайта жанданып келеді. Қайырымдылық жасау, әсіресе, діни мейрамдарда көрініс тауып жүр. Құрбан айттың бірінші күні жалпақ жұртқа үлгі боларлық осындай игі іс №11 қазақ орта мектебінде өткізілді. Оған ұйытқы болған бұған дейін де қайырымдылық шараларының белортасынан табылып келген Болат Нұржанов атындағы «Екібастұз ГРЭС-1 станциясы» жауапкершілігі шектеулі серіктестігі. Мектептің мәжіліс залына жиналған ата-аналар мен балаларды облыстық мәслихат депутаты,  аталмыш кәсіпорынның бас директоры Рысқан Свамбаев құрбан айт мерекесімен құттықтап, адамдар  бір-біріне мейірімді болса, ізгілік жасаса, ырыс пен құт басымызға орнайтынын айтты. Осыдан кейін станция қызметкерлері табысы төмен 60 отбасыға Құрбан айт мерекесін қысылып-қымтырылмай мерекелеуі үшін азық-түлік таратты. Сөйтіп, әр үй сиыр еті, ұн, сұйық май және т.б. азықпен қорланды. Ал балалар тәттіге қарық болды.  Бұл күні кәсіпорын құрбандыққа үш қара мал шалғанын, қажетті қара жатты станция еңбеккерлері жинағанын айта кетейік.

Толығырақ
1

Қажыры қайтпаған палуан

2-7 қазан аралығында Болгарияның Бургас қаласында самбодан ардагерлер арасында әлем чемпионаты өткен болатын. Жарысқа әлемнің 19 мемлекетінен 350 спортшы қатысты.  Тартысты бәсекеде АҚШ, Ресей, Қазақстан және Балтық жағалауы елдерінің спортшылары  ерекше көзге түсті. Қазақстаннан 50 спортшы бағын сынаса, соның ішінде Павлодар облысынан барған біздің жерлесіміз Дәурен Мұқышев 90 келі салмақ дәрежесінде ІІ орынды олжалады. Дәурен…

Толығырақ
калижан ескерткиши

Кереку Қалижанын құрметтеді

Қазақ әдебиетінің көрнекті өкілі, Мемлекеттік сыйлықтың иегері, Халық жазушысы Қалижан Бекхожиннің 100 жылдық мерейтойы Павлодар облысында кеңінен аталып өтілді. Екі күнге созылған мәдени шараның бірінші күні облыс орталығындағы Сәтпаев пен Луначарский көшелерінің қиылысында ақынның еңселі ескерткішінің ашылу салтанатты өтіп, соңы С.Торайғыров атындағы Павлодар мемлекеттік университетінде ұйымдастырылған ғылыми-практикалық конференцияға жалғасты. Әдебиетіміздің ақсақалдары Әбдіжәміл Нұрпейісов пен Тұрсынбек Кәкішев бастаған бір топ қаламгерлер, ақынның жары Зайдахан апай, Қалекеңнің баласы, ҚР президенті телерадио кешенінің бас директоры Ерлан Бекхожиндер ақын рухын тербетіп, талай естеліктер айтып, осы секілді шараны ұйымдастырған облыс әкімі Ерлан Арынға алғыстарын білдірді.

Толығырақ

Бас жүлде Қайратқа бұйырды

16 қазан күні қалалық «Өнер» мәдениет үйінде балалардың шығармашылығына арналған «Ақ көгершін» байқауы өтті. Биыл он екінші рет өткізіліп отырған шараны жылдағыдай балалар қоры ұйымдастырып отыр. Мүмкіндігі шектеулі балалар арасында өткізілген байқауда оңалту орталықтарының, арнайы мамандандырылған мектептің тәрбиеленушілері қолданбалы өнер, сурет салу сияқты шығармашылық жұмыстарын ұсынған болатын. Шараға қатысқан қала әкімінің орынбасары А.Марданова балаларға сәттілік,…

Толығырақ

Құрбан шалған адам көп

Биылғы Құрбан айтының бірінші күні 15 қазанға дөп келді. Мұсылман қауымының ұлық мерекесінде үстіне тәуірін киіп жасанған халық таңнан мешітке ағылды. Он сегіз мың ғаламды жаратқан Алла Тағаланың құдіреті мен мейірімділігі, құрбан шалудың шарттары жөніндегі уағызды тыңдап, иманын бекіте түскен жамағатты қала әкімінің атынан қала әкімінің орынбасары міндетін атқарушы Нияз Құдайбергенұлы Құрбан айт мерекесімен құттықтап, ел-жұртқа бірлік пен береке, Отанымызға гүлдену тіледі. Осыдан кейін найб имам Төлеген Құсайынов бас болып, жиналған қауым айт намазына тұрды. Айт намазы аяқталған соң бір-бірін құшақтап, мейраммен құттықтап, арқа-жарқа болды.

Толығырақ